اصلاحات کو جماعتی سیاست سے اوپر رکھنے کی ضرورت: جیٹلی

 وزیر خزانہ ارون جیٹلی نے اشیا اور سروس ٹیکس (جی ایس ٹی) کی کانگریس کی طرف سے کی جانے والی مخالفت کے پیش نظر آج اقتصادی اصلاحات جیسے مسائل پر قومی سطح پر متفقہ رائے قائم کئے جانے اور اس کو جماعتی سیاست سےبالاتر رکھنے کی گزارش کی ۔
مسٹر جیٹلی نے کہا کہ جی ایس ٹی سے منسلک آئینی ترمیمی بل کو کانگریس کی قیادت والے متحدہ ترقی پسند اتحاد (یو پی اے ) حکومت نے لایا تھا لیکن اب



کانگریس نے یو ٹرن لے لیا اور اس مجوزہ بل کی مخالفت کر رہی ہے جس سے قومی جمہوری اتحاد (این ڈی اے) حکومت کے لئے مشکل صورت حال پیدا ہو گئی ہے۔
انہوں نے اقتصادی اصلاحات پر مثبت بحث کی ضرورت زور دیتے ہوئے حیرت کا اظہار کیا کہ یو پی اے حکومت میں وزیر خزانہ کے طور پر جی ایس ٹی بل کو تیار کرنے والے مسٹر پی چدمبرم عیش و آرام کی اشیاء کو جی ایس ٹی سے باہر رکھنے کی کس طرح تجاویز پیش کر سکتے ہیں۔